Things to Remember While Online Room Booking in Tirumala

తిరుమల వెళ్లేముందు ముందస్తు ప్లానింగ్ ఉంటే మంచిది. ముందుగా అంటే కనీసం 2 నెలల ముందు నుంచి మనం ప్లానింగ్ చేసుకుంటే చక్కగా దర్శనం చేస్కుని ఎటువంటి ఇబ్బంది లేకుండా రావచ్చు.
TTD SEVA ONLINE వెబ్సైటు లో Special Enter Darshan , Accommodation , Seva Tickets , Saptagiri Magazine వాటిని ఆన్లైన్ లో బుక్ చేస్కోవచ్చు.

ఎన్నిరోజులు ముందు రూమ్స్ బుక్ చేసుకోవాలి ?

TTD Online Accommodation కొరకు ఇప్పుడు 60 days ముందు నుంచి మనం బుక్ చేస్కోవచ్చు. మీరు ముందుగా TTD SEVA ONLINE లో మీరు REGISTER చేస్కుని ఉండాలి. రిజిస్టర్ చేస్కునే ముందు ఏదైనా గుర్తింపు కార్డు తప్పనిసరిగా ఉండాలి, రూమ్స్ ధరలు ఎంత ఉంటాయి అనేగా ..
50, 100, 500 ,600, 1500 రూపాయల రూమ్స్ ని మనం బుక్ చేస్కోవచ్చు. 1500 రూపాయల రూమ్స్ లో A/C ఉంటుంది. తిరుమల లలో A/C తో పనేం ఉంటుంది ఇది మనలో మన మాట అనుకోండి.

రూమ్ లో ఎంతమంది ఉండవచ్చు ?

పైన చెప్పినట్టు 50 నుంచి 1500 ధర లో , ప్రతి రూమ్ లో కూడా రెండు బెడ్ లు ఉంటాయి. అర్ధమైంది కదా 50 రూపాయల రూమ్ లో కూడా రెండు బెడ్ లు ఉంటాయి. 6 వరకు ఒక్క రూమ్ లో ఉండవచ్చు. ఒక్కరికి రూమ్ ఇవ్వరు .. మనం ఎంతమంది ఉన్నాం అని ఎవరు పట్టించుకోరు.
ఎందుకు చెప్తున్నాను అంటే మీరు ఆన్లైన్ లో నలుగురికి బుక్ చేస్కుని అనుకోకుండా మీ స్నేహితులు మరో ఇద్దరు మీతో కలిస్తే మీరు కంగారు పడకుండా వారిని కూడా మీతో తీసుకునివెళ్ళవచ్చు.

రూమ్ లో ఎన్ని రోజులు ఉండవచ్చు ?

ముందుగా ఒకటి గుర్తుపెట్టుకోవాలి ఏమిటంటే తిరుమల విహార స్థలం కాదు, కొన్ని వేలమంది రోజు తిరుమల చేరుకుంటారు, అవసరం లేకుండా మనం రూమ్ లో ఉంటే మనకు తెలియకుండానే ఇతర భక్తులకు ఇబ్బంది కలిగించినట్లే. మనకి 24 గంటలకు రూమ్ ఇస్తారు, సాధారణంగా 24 సరిపోదు ఒక్కరోజు అదనంగా కావాలంటే మనం అడగవలసిన అవసరం లేదు. 2 రోజులు రూమ్ లో ఉంటే రూమ్ ఖాళీ చేసేటప్పుడు అదనపు రోజు కి డబ్బులు ఇస్తే సరిపోతుంది. 3 వ రోజుకి ఇవ్వరు. ఒక్కరోజు కంటే అదనంగా ఉంటే మన రూమ్ రెంట్ కి 100% అదనంగా , రెండో రోజు ఉంటే 200 % ఫైన్ , మూడో రోజు 250 % ఫైన్ వేస్తారు.

రూమ్స్ ఎక్కడ ఇస్తారు ?

ఆన్లైన్ లో రూమ్స్ బుక్ చేసుకుంటే ఎక్కడకి వెళ్లి రూమ్స్ తీసుకోవాలి అనేగా.. ? మీరు తిరుమల అంటే కొండపైన అని అర్ధం. Tirumala C.R.O Office కి వెళ్తే సరిపోతుంది. ఈ CRO Office దగ్గరే మనకి రూమ్స్ ఇవ్వడం , అంగప్రదిక్షణ టికెట్స్ , లాటరి ద్వారా శ్రీవారి సేవ టికెట్స్ ఇస్తారు. కొండపైన ఎవరినడిగిన చెప్తారు. అలాగని ఎవరిని పడితే వారిని అడగకండి.. పోలీస్ వారిని లేదా కొండపైన శ్రీవారి ఉచిత బస్సు లు నడుపుతుంటారు వారిని లేదా అక్కడ పనిచేసేవారిని అడగండి.

ఏమి జాగ్రతలు తీసుకోవాలి ?

ఆన్లైన్ లో బుక్ చేసుకునేటప్పుడు మీ ఆధార్ నెంబర్ / గుర్తింపు కార్డు సరిగా ఎంటర్ చేయండి. ప్రింట్ తీస్కుని వెళ్ళండి. ముఖ్యంగా రూమ్ బుక్ చేస్కునేటప్పుడు Booking Slot చాల ముఖ్యమైంది. స్లాట్ అంటే మీరు ఎప్పుడు వచ్చి రూమ్ తీసుకుంటారు అన్ని అర్ధం. ఇక్కడ రెండు స్లాట్ లు ఉంటాయి. ఒకటి అర్ధరాత్రి 12 గంటల నుంచి మధ్యాహ్నం 12 గంటల వరకు ఈ మధ్యలో ఎప్పుడొచ్చినా రూమ్ ఇస్తారు. రెండవది మధ్యాహ్నం 12 గంటల నుంచి అర్ధరాత్రి వరకు . మీరు మొదటి స్లాట్ బుక్ చేసుకుంటే మధ్యాహ్నం 12 గంటల లోపు మీరు రూమ్ తీసుకోవాలి, ఏదైనా కారణం చేత మీరు 12 దాటినా తరువాత ఏ 3 గంటలకో వెళ్తే మీకు రూమ్ ఇవ్వరు. డబ్బులు కూడా తిరిగి రావు. ఉదయాన్నే చేరుకోలేము అనుకుంటే మీరు మధ్యాహ్నం బుక్ చేస్కుండి అప్పుడు రాత్రి 8 గంటలకు వెళ్లిన మీకు రూమ్ ఇస్తారు.

Ask Your Questions / Share Your Knowledge

sudheert

jaggampeta

You may also like...

Leave a Reply

Your email address will not be published. Required fields are marked *